காது நோய்த்தொற்று – Ear Infection

காது நோய்த்தொற்று

குழந்தைகளில் காது நோய்த்தொற்றுகள் மிகவும் பொதுவானது. காது நோய் தொற்றிக்காக மருத்துவர் நீங்கள் எப்போதும் பார்க்கத் தேவையில்லை, ஏனெனில் அவை பெரும்பாலும் 3 நாட்களுக்குள் குணமடைந்து விடும்.

காது நோய்த்தொற்றின் அறிகுறிகள்

• காதுக்குள் வலி
• 38°C அல்லது அதற்கு மேற்பட்ட உயர் வெப்பநிலை
• குமட்டல் 
• சோர்வு 
• கேட்கும் திறன் குறைதல் 
• காதிலிருந்து சீழ் வெளியேறுதல்
• காதுக்குள் அழுத்தம் அல்லது முழுமை உணர்வு
• காது மற்றும் அதைச் சுற்றியுள்ள அரிப்பு 

காது தொற்றுக்குள்ளான சிறு குழந்தைகளுக்கான அறிகுறிகள் 

• காதை தேய்த்தல் அல்லது இழுத்தல்.
• எரிச்சல் அல்லது அமைதியற்றதாக இருத்தல்.
• உணவில் ஆர்வமின்மை  
• சில ஒலிகளுக்கு எதிர்வினையாற்றமை 
• சமநிலையை இழந்து கொண்டே இருத்தல்.

பெரும்பாலான காது நோய்த்தொற்றுகள் 3 நாட்களுக்குள் குறைந்துவிடும் , இருப்பினும் சில நேரங்களில் அறிகுறிகள் ஒரு வாரம் வரை நீடிக்கும்.

காது நோய்த்தொற்றின்  போது நீங்களே உங்கள்  காதுகளுக்கு சிகிச்சையளிப்பது எப்படி?

காது நோய்த்தொற்றிலிருந்து ஏதேனும் வலி மற்றும் அசௌகரியத்தை விடுவிக்க செய்யவேண்டியவையும், செய்யக்கூடாதவையும்  பின்வருமாறு:

செய்யவேண்டியவை

• பாராசிட்டமால் அல்லது இப்யூபுரூஃபன் போன்ற வலி நிவாரணி மருந்துகளைப் பயன்படுத்துதல் (16 வயதிற்குட்பட்ட குழந்தைகள் ஆஸ்பிரின் எடுக்கக்கூடாது).
• காதில் ஒரு சூடான அல்லது குளிர்ந்த துணி  வைத்தல்.
• எந்தவொரு வெளியேற்றத்தையும் பஞ்சின் மூலம் காதை துடைப்பது 

செய்ய கூடாதவை

• காதின் உள்ளே உள்ள குறும்பியை (wax) cotton buds அல்லது  உங்கள் கைவிரல்களினால் நீக்கக்கூடாது.
• உங்கள் காதினுள் தண்ணீர் அல்லது ஷாம்பு உட்புக விடக்கூடாது.
• டிகான்கெஸ்டண்டோ (மூக்கடைப்பு நீக்கி)அல்லது ஹிஸ்டமைன்களைப் (antihistamine ) பயன்படுத்தவேண்டாம் – காது தொற்றுக்கு அது உதவுவதற்கான எந்த ஆதாரமும் இல்லை. 

எப்பொழுது மருத்துவரை அணுக வேண்டும் 

• 3 நாட்களுக்குப் பிறகு நன்றாக குணமடைய விட்டால்
• தொடர் காச்சல் 
• காதில் சுற்றி வீக்கம் இருந்தால், முக்கியமாக பின்புறத்தில் 
• காதில் இருந்து  திரவம் வெளியேறுதல் 
• காது கேளாமை அல்லது செவிப்புலன் மாற்றம்
• தலைச்சுற்றல் 

மருத்துவர் சிகிச்சை

உங்கள் காது நோய்த்தொற்றுக்கான காரணத்தை பொறுத்து  மருந்தை  மருத்துவர் பரிந்துரைக்கலாம் .

காதுக்குள் தொற்று

Antibiotics பொதுவாக வழங்கப்படுவதில்லை, ஏனெனில் காதுக்குள் ஏற்படும் தொற்றுநோய்கள் பெரும்பாலும் தானாகவே குணமாகிவிடும்.

எப்போது  Antibiotics  பரிந்துரைக்கப்படலாம்:

• காது தொற்று 3 நாட்களுக்குப் பிறகும் நீடித்தால் .
• குழந்தைக்கு காதிலிருந்து திரவம் ஏதேனும் வெளியேறினால் 
• உங்கள் பிள்ளைக்கு 2 வயதுக்கு குறைவாகவும்  மற்றும் இரு காதுகளிலும் தொற்று இருந்தால் அவை பரிந்துரைக்கப்படலாம்.

வெளிப்புற காது நோய்த்தொற்றுகள்

உங்கள் மருத்துவரால் பருந்துரைக்ககூடிய மருந்துகள் :

• Antibiotics காது சொட்டு- பாக்டீரியா தொற்றுக்கு  எதிராக
• ஸ்டீராய்டு காது சொட்டுகள் – வீக்கத்தைக் குறைக்க
• பூஞ்சை காது சொட்டு-பூஞ்சை தொற்றுக்கு எதிராக 
• ஆண்டிபயாடிக் மாத்திரைகள் – பாக்டீரியா தொற்று கடுமையாக இருந்தால்.

காது சொட்டு சரியாக பயன்படுத்தப்படவில்லை என்றால், அவை வேலை செய்யாமல் போகலாம்.

காது நோய்த்தொற்றுகளை  எவ்வாறு தடுக்க  முடியும்??

உள் காது நோய்த்தொற்றுகளைத் தவிர்க்க உதவும் முறைகள்:

• தடுப்பூசிகள் எடுத்துகொண்டமையை உறுதிசெய்தல்.
• குழந்தைக்கு 6 மாத குழந்தையான பிறகு றப்பர் சூப்பி (Soother)  கொடுக்க  கூடாது 

வெளிப்புற காது நோய்த்தொற்றுகளைத் தவிர்க்க உதவும் முறைகள்:

• காதுகளில் உள் காட்டன் பட்  அல்லது விரல்களை செலுத்தக்கூடாது
• நீங்கள் நீந்தும்போது காது பிளக்குகள் அல்லது காதுகளுக்கு மேல் நீச்சல் தொப்பியைப் பயன்படுத்துதல்.
• நீங்கள் குளிக்கும்போது  உங்கள் காதுகளில் தண்ணீர் அல்லது ஷாம்பு செல்வதை தவிர்க்க முயற்சி செய்யுங்கள்.